Nota das durch die namhaften vnd weißen Nickel kolbel lorencz Fischer Sigmund Genszhals Vrbanus Scherffinh eyne redliche richtunge vnd entschyd beredt vnd beteydingt worden ist czwischen Fraw vrsulen yeren brüdern vnd Frunden Nicolaen Albrechten seynen frunden an eym Vnd Stephan heger vnd lorenczem ludwig an andern teyl vnd allen die darvnder uf beyden teylen verdacht sind vnd belangende ist Nemlich vmb den todslag Nikel Becken Also das die genanten Steffan vnd lorencz darvmb geredt vnd gelobet haben abczulegen mit gelde selgerethe vilgin vnd messen ochfart vnd steynen Crewcz uf tage czeit als dorch die biderblewtte obgemelten beteydingt vnd geredt worden ist vnd entscheiden ist mit beyder seyt Bartheyenb guten willen vnd wissen vnd des sindt uff stefan vnd lorencz seyt vor sich also zcu halden vnd nochzcukomen Bürge worden Nikel kölbel vrbanus Scherffing vnd Swarcz Erhart Nikel hanel von der frawen vnd yren onmündigen kinder wegen gewers bürgen vnd also sollen alle ongunst czwitrocht die sie beyder seyt kegen eynander gehabt haben gancz vnd gar abgethan sei ein teil dem anderen nymmer zcu gedencken in arge vnd haben vns des uf beyden teylen gebeten in vnser Statbuch zcu legen Actum anno domini etc. Sexagesimo octano in die Barbara virginis.