Totschlagsühnevertrags-Datenbank
weitere Datenbanken  

  Alles   Neu   Suchen   Hilfe   Detail 

ID23
Land/BundeslandTschechien / Ústecký kraj / Aussig
OrtKrupka / Graupen (II)
Regionkeine Angabe
Jahr1487
Datum12. August
Steinkreuzsetzunggefordert
WallfahrtsortRomfahrt gegen Meissen
Historische LandeszugehörigkeitKönigreich Böhmen
LiteraturStadt- und Urkundenbücher aus Böhmen. Bd. VII, Prag, S. 294, Nr. 679.
Quellen und Urkundenbuch des Bezirkes Teplitz Schönau bis zum Jahre 1500. ; Müller, August; 1929
Literatur39. Jg., 2. Heft, S. 199-200, Vertrag I
Zur Geschichte der alten Steinkreuze. ; Wilhelm, Prof. Franz; 1900
Vertragstext679. 1487, Aug., 12, Graupen.

Nikel Holkro, Hanus Beruher. [Totschlagsühne.]

   Zcu wissen, das a. d. etc. LXXXXVIIº am sontag nach Laurentii ist ein bericht vnd beteydigunge eyns todslages halben czwischen Hanus Beruher vnd seynen sonen an eym vnd Nikel Holkro, der Nikeln Beruher, Hanus Beruhers ebemeldten leyplichen son, vom leben zcum tode gebracht hat des andern teils, durch die ersame Caspar Glaszer, richter zcu Eberstorff, vnd Nikel Totczawer, auch daselbist wonhaftig, an Hanuszen Beruhers vnd seyner söne teil, vnd Eytelhanszen, Hanus Swedler vnd Wenczel Knobloch, zcur czeit statschreiber, auff Nikel Holkroes teil, gemacht vnd bescheen, inmassen hernach geschriben steet: Das Nikel Holkro sol dem Hanus Beruhen, des vmgebrachten vater, vor solchen todslag seynes gemeldten sones geben eyns vnd czweynczig schok groschen,, nach swertgelde zcu rechen, zcu hernach geschriben tagczeiten, nemlich V schok gr. auff sonabenth sant Gilgentag vnd V schok gr. darnach auff Michaelis vnd fünff auff die fasznacht vnd sechs schok darnach auff pfingsten, alle tagczeit neste nach eynander volgende nach gab diszer teydungsczedtl, vnd Nikel Holkro sol für des ableyben szel ym closter zcum Grawppen lassen halden XXX szelmesse vnd XXX vigilgen, vnd ein steynen crewtcz sol er bestellen vnd setczen obyg der stat bey der marter, vnd sol die gericht gewynnen vnd den ablegung thun, vnd vom auffheben sol er das geldt auch geben vnd den gerichten ablegung thun, vnd sol dem ableyben ein ewige gedechtnüs¹) in der pfarrkirchen zcum Grawppen bestellen vnd machen vor seyne szele mit andern szelen zcu bitten zcu ytczlicher kottemer²) nach gewonheit vnd sol ein Romfarth keen Meyssen in eygner person thun. Dabey sol Nikel Holkro dem Hanus Beruheer vnd Jocoffen, seym soll, der zcur czeit bey ym gewest ist, in seyner selbs person eyn ergetczung thun, vnd Hanus Beruher hat sich Oszwalds, seynes dieczeit vngewertigen sones, solcher richtunge halben gemechtiget vnd solcher machtbriffe mit Nikel Hackers petczyr besigelt vor den teydungslewtten auffgeleget, das er solche vorrichtunge oben bemeldt auch vnuorbrochenlich halden sol vnd wil on alles widersprechen. Damit sollen alle vnwillen, czweytracht vnd vneynikeit czwischen den obgerneldten partheyen, wie sich die des bemeldten todslages halben gemacht vnd entpfendt haben vnd czwischen allen yn vorwanten vnd vordachten darvnder gancz vnd gar vorricht vnd hingelegt sein sollen, solchen entstanden vnwillens keen eynander in ark nymer zcu gedenken noch zcu effern in keyner weisz, wie menschen ader argelist erdencken kan ader moge, vnd die parth haben in fleys gebethen, solche richtung in das, statbucb zcu schreiben.

   Postscriptum: A. d. etc. LXXXVIIIº am sonnabenth nach Corporis Cristi [7. Vl. 1488] ist vor eyn rath komen der obgemelt Hanus Beruhen vnd hat alda bekanth, wie ym solch obgemelt geldt in der richtunge gemacht vnd darczu alle szelgerethe vom Nikel Holkro gancz vnd gar awszgericht gefallen vnd vorbracht sein, vnd hat alda den bemeldten Nikel Holkro solchen gelds vnd szelgerethes oben berurt gancz qwyt, ledig vnd locz gelassen, deran yn nymer zcu fordern, er noch nymandt von seynen wegen in keyner weisz.

Ebenda, S. 190. – ¹) Jahresführbitten. – ²) Quartember.



Sühnekreuze & Mordsteine